幼兒幾時應去主題樂園

我家皇后就嚟歲半啦! 身為媽媽的我，十分開心， 十分雀躍地安排了帶小孩去主題樂園見識見識!

當玩完回家的路途上，已有這深深的感覺了: 帶小孩去主題樂園，應該起碼要3歲或以上，太細帶去真係無咩意思

1)交通

除非本身住得近主題樂園，若要用上大半小時或以上的車程， 卻是考驗著小孩的耐性及家長的忍耐力!小孩， 專注力弱(大人有更強克制能力)，好易受外界影響，這是鐵一般的事實!大半小時後，小孩就有機會出現不耐煩的行為， 如叫、、周圍走、哭....等等，而且車費又貴

2)飲食

主題樂園內的食物、飲料，一般都貴幾成!一支水都十幾廿蚊了，如果小孩能夠食園內食品的話，就可替家長們的手袋減輕少少重量了，除了是金錢上的減少🤣，主要是家長不用帶好多用品，例如碗、叉匙、剪刀、奶樽、奶粉.....

3)帶備物資

3歲以下或更細的小孩，家長要帶的物資更多，除了上面提及的食物、食具，仲有尿片、褲仔、被仔、車仔、防晒霜、帽、雨傘....疫情下，口罩都要帶多2、3個做後備，預防小孩吾知幾時會掉落地

其實，3歲下的小孩，去附近的公園，可以去下  #農莊，#濕地公園，#沙灘，睇下動物，睇下花草，吸收下陽光，接觸大下自然，接觸下外界社交已足夠了!對咁細的小孩嚟講，佢地眼中樓下的公園其實同主題樂園都無咩分別，有家人的陪伴就開心了!去主題樂園，只是滿足家長的心態，根本就吾係小孩"想去" !辛苦自己又吾係令到小孩有大得益!