幼兒應讀N班？

 有朋友（長輩較多）會說：自己湊或比屋企人湊就得，吾洗番n班咖！但我是十分贊成讀N班的！

～～性格上～～

上N班: 小朋友會較獨立，所以不太需要媽媽陪睡覺啦，不太會連媽媽沖涼去廁所都跟隨著；上全日班的話，自理能力會比較好，始終有老師教育及指導，更學會團體合作及分享的認知

托長輩：通常都會較疼愛小朋友，例如孫仔/女不吃飯，會任由佢，更會比其他食物或零食去代替！孫仔/女嘈住要某物件，長輩會買會立即奉上，更可能用糖果等去氹!其實間接地令小朋友有錯誤思想：吾食飯就有零食，吾會餓親的！嘈就會得到想要的！只要小朋友吾哭吾嘈就得，只會培養出任性及自我的行為

～～健康上～～

上N班：學校一般會採用少添加劑，即少糖少鹽少防腐劑的食材及較以蒸煮等方法烹調，會食得健康點（即淡咪）

托長輩：通常會煮大人口味，因一家人一齊食，多數不會分開煮，；然而人年老了，味覺會有退化，所以大人覺好味或夠味的食物，其實對小朋友嚟講是太濃了！不太健康，而小朋友食多了，難轉會淡味的食物了！

上N班，其實對媽媽也更好！

不竟24小時無休照顧小朋友是十分吃力！而且較容易對小朋友發惡！

讀N班，媽媽可以靜靜的做家務，可以有me time睇下電視、做下facial 等relax下，可以同朋友相聚，維持給或擴闊圈子，整個人情況上吾會咁崩朋緊，可舒緩壓力

會有小別勝新婚的感覺，接小朋友放學時會開心，會問小朋友學左咩做左咩！關係更悅快！

…………………………………………………

一般幼稚園分二類: 

1)政府資助的，N班學費雜費(月計)一般約2千到4千左右

2)私營或直資，N班學費雜費比較貴，(月計)一般5千到8千

細B會有幼稚園收嗎？

（細B定義是指9~12月出世的BB !）

不幸地(是事實呀)，一般政府資助的幼稚園普遍是不太想收細B入N班的，強調是NO! 

原因是政府要求要滿2歲才可入學，所以如果收了細B的話，幼稚園就要Hold住學位，但就會收少幾個月學費，所以一般都會選擇大B或中B的，那就可以一開學就收到學費了!

有媽媽問: 點解吾會收但又比報名呢?

其實，都是因為一個字" 錢 "! 報名是是需要收取報名費的，每位幾十元， 可集腋成裘呢😂( 是個滿意的數字)!

就算參加完面試，就算叻叻細B大多都會落入"後備生"名單，若是收生不夠或中途突然有幼兒退學了，學校就會從後備生名單中挑選候補生了! (可以說，細B也有一絲的希望吧!)

咁係細B又想讀N點算呀?

那可能要去報私家幼稚園的了😅，是好易能入讀，此類幼稚園適常都會收細B的!或者找一些不多人報的政府幼稚園，有學位剩而細B的能力又及得上中大B的話，就會有機會了!

.....間間政府幼稚園的N班都多人報咖啦🤪!真係要超幸運先能被選中啦

如果無上N班，沒有長輩或不放心交給長輩照顧幼兒的點算?又想BB學到知識同技能啵

1)可以選擇playground，內通常上1~2小時左右的，學費約$150-$300/堂

2)選擇暫托中心或機構，有些是計時段性的，也有可托管全日的，就算全日都只是約2百左右

https://www.swd.gov.hk/tc/index/site_pubsvc/page_family/sub_listofserv/id_childcares/

3)搵私人保母姨姨

總結, 如果可以的話, 我一定比小朋友入N班 , 因為

-自己relax D , 可做自己野

-BB有多D人陪玩, 可學到等候,禮讓等社交禮儀

補充：

N班或要比學費的幼兒中心，可參加減免學費計畫(即0至2歲和2至3歲組學費資助)

 https://www.wfsfaa.gov.hk/sfo/tc/preprimary/kcfr/general/assessment.htm