Mamamia寶貝皇帝

人奶是有輕瀉的功效，所以食人奶的BB一般會比奶粉BB多便便 當人奶BB近滿月或滿月後的日子，發現BB一日得一二次便便，其後更是二日一次或幾日先一次時，爸媽就會好擔心! 最先擔心的會是BB身體有事吾舒服，其次就會唸是否人奶不足令BB食吾夠 只要BB精神，吾係呆呆滯滯，同佢玩有反應有笑，咁就可以先排除"吾舒服"  BB食得夠吾夠，就要睇濕片數量了! 另外之後有便便時，便便都好似平時"咖哩南瓜蓉"狀態，就是健康，只要不是泡沫或帶血絲，或干左的就可以了!  咁點解會冇便便呢? 因為BB腸胃已經成熟到 可以 #吸收曬人奶中嘅營養，沒有多餘沒有渣宰，所以就冇便便了! 媽媽可以多食肉類或蛋白質食物去令母乳內嘅脂肪含量提高， 令BB食得更加飽肚足夠 有時胸脹脹的，有時是軟淋淋的，如果媽媽會擔心吾知夠吾夠奶水，可以泵出嚟去免除擔心BB唔夠食呢個諗法，因為要保持心境開朗，相信自己是夠奶的， 唔好畀自己咁大壓力，多俾bb 吸吮，咁就會多奶 #上唔到奶 #上奶時間長 #人奶bb冇便便 #母乳好耐先有便便

媽媽成日會問:食人奶要食幾多?以往埋身餵的，現用奶樽吾知食幾多先夠 1~3日 大的bb，1.5~2小時一次，每日10~12次，每次5~7ML 4日~1周 大的bb，1.5~2小時一次，每日10~12次，每次30~50ML 1周~滿月 大的bb，2~3小時一次，每日8~10次，每次60~90ML 2個月 大的bb，3~4小時一次，每日6~7次，每次80~100ML 3個月 大的bb，4小時一次，每日5~6次，每次130~160ML (可以開始加入輔食) 4~6個月，4~5小時一次，每日5~6次，每次200~250ML，1餐加固 6~9個月，4小時一次，每日3~4次，每次200~250ML，2餐加固 9~12個月，4小時一次，每日2~3次，每次250ML，2~3餐加固 每位bb的食量都有不同，例如3個月左右有啲bb會起身食100ml，下午食80ml，夜晚食120ml，到厭奶期時食得更少，50ml就吾食，但有啲bb食近200ml!只要每餐食奶前，尿片都係有份量的，bb又精神，玩得笑得訓得又重得好既話，食多與少都無問題，吾洗同人比較更吾洗擔心 #食人奶量 #每日食幾多人奶  #首6個月後可以加入糊仔

 1-2歲的BB每日所需的熱量約每公斤需110卡 奶量計算公式：嬰兒體重(kg) × 110 = 一日共需熱量 ÷ 20卡 *(30ml係有20卡) × 30ml ÷餐數 例如：體重10公斤的BB一日所需要的奶量：10×110=1100卡 1100÷20=55卡  ， 55×30ml=1650ml  大約每4小時餵食一次，一日大約6餐 1650ml÷6= 275ml

入院生bb需預備少許初生尿片，眼見好多媽媽都會帶一大包(約8x片) ，更見過有媽媽帶了2大包，其實順產一般約3日會出院，開刀約5日，其實走佬袋帶入院一包(3x片)已經夠了，因為到時大住個肚又痛又一袋衫一袋零食一袋日用品(可以參考 #生產過程 篇)......又要得自己一個拎嚟拎去的，如吾夠，可以到生完後老公親友嚟探訪時先帶多D嚟咖 走佬袋尿片，見意帶 H牌的0號 (我B出世時7磅8，中大B🤣, 都係用呢款)比較合適， P牌的最細係NB, 但對初生BB嚟講係有點大，而漏尿的機會也大， 之後 轉H牌的NB, 再P牌的NB 及 S 初生至2個月左右的BB用片尺寸會好快轉大D碼，所以吾洗一次過買一大箱的，根據經驗及眾多媽媽分享使用量: H牌0號 : 2~3包(3x片裝) H牌NB : 1~2包 P牌NB : 2~3包 (8x片裝) P牌S碼 : 由BB2個月至4個月大左右都會使用，會使用幾6~10包 #走佬袋 #初生尿片 #NB #初生尿片用量 #漏尿

當bb靠住就可以坐起，手仔仲開始周圍抓物件， 大人食緊嘢時佢會 望住你食，感到有興趣， 咁即係代表bb可以進入加固期了 4個月: 每日食5~6餐，3~4小時一次 當有以上條件就可以開始加固了👏，當初應一餐於食奶前俾2匙米粉奶糊嘗試，最好中午時段， 容易觀察bb反應。 米粉奶糊以約1份粉混合3份母乳/奶粉的份量，要比較水質， 之後再飲母乳/奶粉 6個月: 每日食5~6餐，3~4小時一次 可以食蓉形態，食物種類需多元化，菜蓉，水果蓉，肉蓉，都應俾bb嘗試。如bb可食到大半碗或半碗分量，就可以代替1-2餐奶了 7個月: 轉食粥仔，初初可以bland滑，需鼓勵bb多飲水， 初初可以用訓練杯或者普通小水杯裝水俾bb慢慢飲 8個月: 每日食5~6餐，3~4小時一次 可以俾啲剁得幼細嘅食物俾bb嘗試用牙仔咀嚼，但不能食帶黏性或滑溜溜的食物，更要小心帶骨頭，可以煮淋的番薯條，蘿蔔條之類，嘗試俾bb自己拎住嚟食 9-12個月: 每日食4~5餐，4~5小時一次 bb應有牙仔了，食物可以軟身小粒形態，例如軟飯或剪碎的面條，可以2或3餐以固體食物代替飲奶，呢段時間可以訓練自己用匙及叉了(又係一個世紀大戰🙄) #加固食物 #固體 #嬰兒米糊 #粥仔 #飲水

新手媽媽想買衫仔俾就出世既bb, 吾知買咩尺碼，見到咁可愛既衫仔，更可能情不自禁咁買咗一大堆 50、52碼 : 初生至2個月，共約6件就夠了，如果係夏天出世，可多加2件; 如冬天出世的，厚少少的外套可買2-3件，但包被不用太厚，一般四季料就得，其實家中吾會凍，主要係配備去健康院時用 59碼: 2至4個月   66、73碼 : 4至6個月，呢段時期可能需多買幾件，一日可能要換3件，因為bb郁動多了，易有汗，最主要係因為加固時，食糊仔會令到成身都沾上食物，口水又多，所以好快又要換一件 80、85碼 : 6-12個月 90、95碼 : 12~18個月 100碼 : 12~24個月 媽媽們吾洗冬天預夏天，因小朋友大得快，基本上係只能用一季，買得多就變成掉得多 蝴蝶衣/ 和尚袍，係比較好既選擇，因開合幅度大， 容易穿著 ，而綁帶式的，大啲啲都著到 最吾方便係腳位車閉式既連身衣(圖款)，換片片時麻煩又難穿，除非買大幾個碼 #初生嬰兒  #買衫仔

好多媽媽產後身體上會出現一些問題，不是所有媽媽或都會有齊所有症狀，但真係好多媽媽都會有呢 脫髮: 大約於產後3個月開始，洗頭時發現一撮撮地甩，吾係用條數計，真係一撮撮地甩! 到吹干頭時，圍住你既都係一地頭髮....真係利害到懷疑自己係咪有cancel😥!我會吾會變成河童咖😭?! 解說: 其實在懷孕期間，催乳素、雌激素、孕激素會增多左，令頭髮進入生長期 ，因此懷孕期間，頭髮數量會明顯上升，比懷孕前更濃密，產後，雌激素水平恢復到懷孕前既水平，導致荷爾蒙分泌失調，大部分頭髮就會進入休止期。因此產後媽媽會開始出現嚴重的脫髮問題! 到約6個月左右會見轉穩定，無甩得咁勁啦 開心唸一唸: 依家所脫的係之前末甩既髮及多生生出嚟髮姐，6個月後又有頭髮生長出嚟啦，多食含鐵質豐富既食物吧 #產後脫髮 #懷疑人生 #沮喪 #過分擔心 #做個開心媽媽

你會可能發現你的鼻翼，額頭，呢個T字位置會常常出現油脂，毛孔好似粗大咗，黑頭粉刺多咗 ，因為身體的荷爾蒙正在調節中，有機會令皮脂分泌比較活躍，注重番清潔就可以了 其次係多左雙國寶既 🐼眼睛， 睡眠嚴重不足的情況下，邊一個人仲可以擁有明亮的雙眼👀?! 有機會可能容易出現敏感、乾燥、暗啞、泛黃....就係因為好多時掛住照顧小朋友，根本就冇時間去做護膚， 更可能連舒服地去廁所嘅時間都怕困難😩，更有啲媽媽會練成左免咬速食秘技  小惡魔+小天使慢慢長大後，媽媽作息時間會變回正常啲，到時呢啲問題就會解決到! 同時明白到，媽媽係好偉大嘅，就算要放棄左自己嘅樣貌，時間，自由......都想去見證小朋友每分每秒的可愛笑容

好多嘅網頁上， 甚至有啲付款嘅課程都會講解趴瞓對bb有n咁多個好處 但其實有好多報導係第二朝起身，發現bb已經全身僵硬冇曬呼吸 所以如果想選擇比bb趴瞓的話最好於午睡的時候， 更加唔可以離開bb比佢獨自一個數小時， 而且媽媽要多加去留意bb有冇不適， 另外真係唔太贊成比一兩個月內的bb趴瞓，因為佢哋嘅頸仲係十分十分之軟， 手腳都仲未有能力係不適時去將自己撐一撐 總結: 趴瞓都要係適當嘅時間先至稱得上係對bb好，更要多留意bb反應，如果唔係只會弄巧反拙及釀成意外，就算平躺都要多留意bb嘅動靜，到左3 ~4個月後，手仔需露出被外，吾可以蓋埋雙手，或可選擇睡袍代替被 #嬰兒趴瞓 #趴瞓的意外 #窒息 #平躺瞓覺

 望子成龍，想小朋友聰明，是每位家長都渴望的事，0～６歲是兒童智能發育的關鍵時期 , 因此大家都會爭住贏在起跑線，努力吸收 #DHA，但其實吾係多就好，係要適量，過份吸收只會弄巧反拙，傷害到身體，帶嚟負荷，點叫夠呢? WHO (世界衛生組織) 和FAO (聯合國糧食和農業組織) 建議兒童每日攝取 懷孕婦女: 200 mg DHA 哺乳媽媽: 200-250 mg DHA 0-6個月的嬰幼兒: DHA攝取量需佔總熱量的0.1-0.18% 6-24個月的嬰幼兒 : DHA 10-12 mg/公斤體重 2-4歲兒童 : 100-150 mg DHA+EPA 4-6歲兒童 : 150-200 mg DHA+EPA 6-10歲兒童 : 200-250 mg DHA+EPA 即是餵母乳的，如果媽媽每日吸收有200mg DHA以上(成日食魚或食魚油/藻油)，就吾洗再額外餵DHA畀bb食 奶粉的話，媽媽需計數番每日攝取量 ，例如每6個月8kg重既BB , 奶粉成份表上寫住100ml奶有7mg DHA , 如每日食5次，每次100ml，每日就有35mg DHA , 指引係應每日80-96mg(可直接睇成每日需100mg) ，咁就可以補充少許DHA劑俾BB啦 #DHA #奶粉 #人奶 #聰明 #贏在起跑線

人奶係有好多種的物質，奶粉係抄吾到的，如抗體， 賀爾蒙，白血球......而且人奶係會隨天氣或bb既需要而自動調節既變化 ，所以飲人奶既bb係會比較少病的 人奶中都有 DHA, 不過媽媽最好要食相關既食物/營養補充劑去增加奶中既DHA 奶粉商更有註明“奶粉係人奶外加既補充品"，可見母乳係最好的😍，🤫而且以前冇一種初生BB 奶粉係有賣廣告咖 ! 但人奶存在嘅不足，就係鈣吾夠，所以食人奶既 bb最好多啲同陽光玩遊戲，特別係歐洲等晝短夜長或好日都冇乜太陽既地方，更可為bb添加鈣既補充劑 另外，餵人奶對媽媽嚟講，係比較辛苦既工作，乳頭會損會痛，好口渴(要飲3L水都覺吾夠)，休息時間少，食野要注意，出街耐的話要帶一堆泵奶工具，定時定後要泵奶，胸會鬆弛...... 咁煩又辛苦，媽媽仍堅持人奶的原因只有一個，就係想bb好(媽媽真偉大😭) 當然，如果有某啲原因導致吾能夠餵人奶，或要人奶外再補奶粉的話，都無問的，bb一樣健康地成長因同樣地充滿住"愛" #人奶 #身體好 #要加鈣 #晒太陽 #人奶係首選

1)bb無咩頭髮，#剃光會出密d ❌剃光係吾生得密啲咖，只係由0長到5cm，或由10長到15cm的視覺分別!每個人的頭髮多少疏密與快慢都有吾同，吾好同人比較!反而剃頭會令bb有機會造成傷害 -體溫調節: 頭髮係有散熱功能的 -保護罩: 防止陽光直接照到頭顱 -細菌感染: bb皮肉比較嬌嫩，剃頭好容易弄損頭皮組織，造成傷口感染 2)#出牙仔係會發燒 ❌出牙仔同發燒係完全無關係既，出牙係🚫吾會發燒! 只係因出牙時，牙肉會腫脹癢癢，因此bb會咬野嚟舒緩， 然而若將有細菌不潔的物件放入咀，感染了細菌，咁先至會有發燒既可能 3)出牙仔，#會吽牙屎( 稀爛嘅便便) ❌同發燒一樣道理，只係因放左有細菌既物件入咁，導致到細菌感染而肚瀉 4)有啲 #bb吾會爬，由佢啦，直接跳過去學企同行 ❌學爬再到學行，係正常會經的步伐!但好多時因bb充滿好奇心，鍾意周圍睇周圍摸，咁可愛既行為而令家人們常常抱住吾放或扶住bb企，因此令bb失去學習爬行既機會同興趣😩 爬行係對BB好大益處的: -練習平衡力和姿勢轉移 -促進大腦雙側分化和協調 -提升觸覺、本體覺、前庭覺的感觀發展 - 助長肌肉及骨骼發展 -

衣著: 和尚袍/開胸衣-7件 少許厚身連身衣-冬天出世-3件 薄長袖凍氣連身衣-夏天出世-3件 帽仔-2件 手套仔-2對(唔建議用) 襪仔-2對(少用) 內包被巾-2件(薄，主要係包貼bb) 外包被-2件(當被，保暖，冬天b厚，夏天b薄) 口水巾-3-7條 沙巾-10 條 細尿墊-1條(換片墊住) 大尿墊-1條(墊床仔) 小盆仔1個(裝污漕左的衣物) 清潔: 浴盤1個 浴網1個(新手可試) 面盆1個 大抹身巾-2條 細面/浴巾-2條 洗頭沐浴露1枝 身體面霜1枝 屁股膏1枝 濕紙巾1大包(抹屁股) 細濕紙巾(外出) 消毒紙巾 指甲剪1件 棉花棒1盒 火酒1樽 溫度計(測水溫，可用傳統體溫計) 洗衣液 餵食:  奶樽(150ml以上，奶粉或全泵媽6-12個，人奶b2個) 奶樽清洗液1枝 洗樽海綿捧1件 消毒器1個 安撫奶咀2個 小盆仔1個(裝用過的食具) 母乳bb: 泵奶機(雙泵方便) 儲奶袋1盒 餵奶防走光巾1條(外出用) 冰袋及冰種 暖奶機1個 奶樽夾1個(熱水消毒完夾番上嚟) 奶粉bb: 奶粉分格盒1個(外出用) 暖水樽1個(裝住沖奶的暖水) 奶粉1罐 日常: BB床1張 掛床玩具1件 電子探熱針1枝 傳統探熱針1枝(預防電子的無電之類) 指甲剪1件 揹帶1條 bb車1架 風扇仔1件(夏天外出) 蚊貼1盒 媽媽袋1個(裝晒bb外出用品) 涼席1-2張 蚊帳1個(多蚊的家) 退熱貼(有備無患)

1-3歲嬰兒成長階段 ，是發展BB自理能力最佳時機 1歲~ 技能解鎖 :  可不用扶， 四處走。攀爬上落梳化、矮牀等傢俬。 拎匙進食，拎水杯，講單字 ，認身體部位，嘗試把物件按形狀大小分類 遊戲訓練 :  拋接球，疊積木， 套圈圈，認單字及圖案，認顏色 2歲~ 技能解鎖:  行走穩定， 不易跌，模仿大人，講疊字短句， 表達需求 遊戲訓練 :  塗鴉畫畫 ，玩煮飯仔，穿珠仔，講故事 3歲~ 技能解鎖:  奔跑， 上落樓梯， 畫直線 ， 穿脫衣物，明白形容詞及動詞 遊戲訓練 :  砌模型， 記憶邏輯遊戲， 配對物品圖片 https://www.sundaykiss.com/460531/%e8%82%b2%e5%85%92/%e8%82%b2%e5%85%92%e5%bf%83%e5%be%97-%e5%ac%b0%e5%85%92%e6%88%90%e9%95%b7%e9%9a%8e%e6%ae%b5-bb%e8%87%aa%e7%90%86-5%e5%a4%a7%e6%8c%87%e6%a8%99-%e6%87%b6%e4%ba%ba%e5%8c%85/

一般以 #母乳 餵的，盡可能 #滿月後先用安撫奶咀，目的係想BB學叻叻同埋習慣乳頭，都有啲媽媽會2至3個月先用安撫奶咀 🤔主張埋身既話，其實幾時用最好?個人認為睇番媽媽的🚦精神狀態! 一般頭3個月的嬰兒需每2~3小時就餵奶，媽媽得好少時間休息(仲有一堆家務要做呢🤬)，當BB食完後，末到下餐時間而媽媽又有精神的話，可以用自己乳頭安撫或抱下佢氹下佢 但當自己末沖涼又要洗衫煮飯....或者自己好攰想休息下眠一陣，bb又末到下餐就哭(想媽媽抱抱黏住媽媽)此時可以用安撫奶咀幫助自己了 🔥 完全唔用或極少用安撫奶嘴的話，到bb出牙仔時，佢會咬你，果種痛😏... 鬧佢又吾明，講導理咩佢又末理解到😓!  而且呢段時期嘅bb，腦部🧠會好活躍🏃‍♀️，到咗夜晚瞓瞓下，可能會突然 大叫， 醒咗需要媽媽安撫🤱，仲會一晚連續 3 ，4次(或更多)， 如果冇用奶嘴的bb會抗拒用奶咀，需要媽媽的乳頭(媽媽要起身無得訓，要抱佢lu)， 有用開奶咀的，只要塞個奶咀佢，媽媽自己就可以繼續瞓 其實６個月以下寶寶，口腔期發展過程，可藉由奶嘴來增強吸吮的能力，以促進寶寶口腔肌肉的協調，增強寶寶的吞嚥能力的 所以有好有壞，正確使用就是一個神器 ps: 用埋身母乳餵嘅唔係bb一哭就用奶咀塞住佢個咀呀，而係自己好攰或有需要時先用咖，要令bb都接受奶咀既安撫

#鈣係小朋友牙齒同骨骼形成既重要原素，咁小朋友應該要每日吸收幾多鈣呢? （1）0到2個月：1日200毫克。 （2）3到5個月：1日300毫克。 （3）6到11個月：1日400毫克。 （4）1歲到3歲：1日500毫克。 （5）4歲到6歲：1日600毫克。 （6）7歲到9歲：1日800毫克。 懷孕媽 :   1日1200毫克 哺乳媽： 1日1500毫克-1800毫克 母乳內含鈣量約為 25 - 30 mg/100 ml 美國兒科學會（American Academy of Pediatrics, AAP）建議所有嬰兒的每日維生素 D 攝取量為400 IU國際單位  (如果是母乳或半母乳的就需要，直至bb每日至少喝約 1 升奶） 維生素 D唔係越多越好， 食得多 #會中毒💀 :   成人每日20,000IU 以上☠   小孩每日1800 IU 以上☠ 懷孕中及用母乳餵食既媽媽就要食多啲高鈣食物或鈣片，若媽媽吾夠鈣，胎兒及嬰兒都吸收吾夠咖 嬰兒既鈣，主要來自母乳或奶粉，若bb食奶少，就要補充鈣液啦

懷孕後期:  #托腹帶 肚已越嚟越重，會令腰部承受好多壓力，成日腰酸背痛 生產後:  #收腹帶 啱生完後肚都脹卜卜的，腰部嘅壓力亦都未因此而減退，需要收腹帶將肚收緊外，走路都舒服啲 反身期(約4個月):  #床圍 以往一碌木嘅狀態，識反身就變到好危險 ，好多媽媽一個唔為意，BB就跌咗落地(真係差唔多個個Bb都會有跌落地嘅情況)， 如放大人床就要盡量放到最入，床邊要有圍欄 嬰兒可坐期(約5個月): #小櫈仔， #嬰兒洗頭防水圍 BB已經開始好重喇，好難再還托住喺雙臂上面洗頭， 既然可以坐啦，就梗係俾佢坐喺盆仔入面，媽媽坐喺櫈仔度同佢洗啦 爬行學企期(約7個月):  #圍欄 學爬行嘅bb十分之活躍， 呢度又摸果度又擺入嘴，真係睇少眼都唔得，需要個圍欄將佢固定喺安全嘅地方玩 可企學走期(近1歲): #護頭 BB跌跌撞撞, 可以買個孭喺背脊嘅護頭背包，咁就安心得多

 # 全職媽媽壓力真係好大 🎭! 佢哋除咗24小時工作⏰，年中無休，每日重複重複嘅生活節奏， 休息已經成為一件好奢侈嘅事情!娛樂?更加唔會去奢望了! 如沒有家人或工人姐姐既協助，甚至連身為人嘅基本要求: 去廁所、沖涼、食飯………都會受到約束! 當媽媽懷孕初期，有的會孕吐🤮，更有連飯都食唔落， 到後期因為胎兒大已腰酸背痛🤰，仲會成晚去廁所， 當bb要出世時就會飽受陣痛折磨，整日 無得休息! 到出世後，休息呢兩個字，更成了天馬行空 若獨力照顧嬰兒的媽媽，整個身體就變成了一個有鬧鐘的機械人🤖，依據固定嘅程式行動， 餵奶🤱、掃風、換片……當 bb瞓咗就偷時間“逐D”去做家務、去廁所、煮飯、食飯…… 無限loop呀 loop🧟‍♀️… 每個夜晚，更都會有只一個夢想: 我想瞓多過四個鐘而已 身形? 往日的啤梨🍐，早已套上了無敵大車呔了🛢， 成個罐咁樣啦🤦‍♀️! 食飯已經唔再在乎什麼的色香味了，最緊要夠方便快捷，一下就煮好，一下就倒到落肚，夠飽肚，就ok啦! 想探討嘅其實係， 長期被剝削睡眠下， 日復一日，身心都好痛苦好疲累，精神唔可以集中， 情緒會變得焦慮同負面 ， 更好容易就會發火🦁…此時家中必須要有個至親既愛，去溶化一堆堆嘅戾氣，去排解媽媽既苦 身為老公，除咗工作賺錢外，回到家就盡量主動抽時間去照顧BB，俾老婆可以有丁點兒既休息， 儘管只有一時三刻， 呢個關愛體貼嘅行為，老婆係會深深的完全地感受到! 若然老公返到嚟，就打機、睇電視、等食飯、玩電話,都吾去協助老婆，喂! 你係有十小時嘅工作，放工後會攰，但仍能有8小時睡覺或1小時既娛樂喎，自由食飯，自由去廁所; 老婆係全日工作無得放工， 食野去廁所都難， 更唔需要講有娛樂啦, 你番工10個鐘係辛苦  , 但老婆番接近24啊!  如果老公食完嘅垃圾周圍放，用完嘅嘢又周圍擺， 不理人感受地添加老婆嘅工作量.... 而每日小朋友仲要喺度嘈嘈吵吵… 老婆沒有關懷， 沒有分擔， 沒有愛惜， #抑鬱 就離不遠了! 人哋成日話有 #產前產後抑鬱 既可能， 係因為媽媽種種嘅壓力唔可以釋懷，冇得放鬆，家中更得吾到愛嘅溫暖而產生的吧! 所以請好好愛護你的老婆 及 媽媽! 多溝通， 有需要時請挺身而出做個出氣袋 老公飢: Happy WIFE  , Happy LIFE ! ps: 家中 ...

好多BB都會有尿布疹， 夏天時濕濕熱熱的， 冬天會乾燥， BB嬌嫩皮膚少不免受到刺激？ 重點係超……🥁抵用呀 ，一罐50蚊樓下， 買一罐就可以用到差唔多一年呀 呢款是英國治療尿布疹領域的領導品牌，為英國醫院、兒科醫生推薦使用，為英國家庭必備良藥，台灣媽咪更稱之為「屁屁聖品」 是消毒/抗菌劑，能有效對抗細菌感染含防水特性，形成一層保護膜，有助於防止任何刺激物（尿液和糞便）與皮膚接觸，亦可用于紓解其它皮膚問題，治療和保護皮膚，加速傷口癒合， 換片時抹乾屁屁後 ，薄薄搽一浸就有保護功效 我家小屁孩由出世就一直用嚟保護，沖完涼或便便後就會薄薄搽一層，試過出牙仔期肚痾，便便酸性強，令屁屁紅咗，果幾日就搽厚少少，二日就退紅冇事啦，無損無傷的

1)#閃光玩具 發強光或閃閃的玩具，其實十分刺激嬰兒的，當小寶貝常似於disco中，情緒會波動，睡眠會欠佳， 有機會導致一晚醒幾次， 常常哭鬧  2) #床邊安撫鈴 好多家長都會夾一個轉轉音樂鈴於小B床上的，一方便好夢幻，令一方面俾BB玩! 若需買，就買個轉得好慢好慢的，否則又是一個情緒刺激的東西  3) #矯形枕頭 悉尼全球健康喬治研究中心專家發表文章稱，6個月以內的嬰兒最好背部平躺睡在嬰兒床上，然而，由於新生兒顱骨尚未完全發育，會有近兩成嬰兒因平躺睡眠造成後腦勺扁平。不過，隨着年齡增長，一般後腦勺的扁平症狀會完全消失，沒有必要花錢購買所謂的矯型枕。 如錯誤使用，嚴重者甚至可能引起窒息  4) #連身衣 早期嬰兒仲末懂反身時，仍可使用連身衣!但到4個月左右，嬰兒開始活動力加強時，盡可改用分開上下身的，因某些動作例如舉手會被下身衣服扯住等，反身又有機會被腰腳布料扯住等制抓住! 🙈但嬰幼兒瞓覺期間，其實連身衣都幾方便咖  5) #手套 很多家庭更有的係醫護，都會叫媽媽幫BB套上手套，目的是防止嬰兒抓傷自己!但其實BB需要由觸碰去認知呢個世界，包著手套會可能導致發展遲緩！少了神經的刺激，甚至會影響日後智能的發展！再者，無得啜手會令BB欠缺安全感，更有因手仔被手套內的線纏住，須截肢的事件! 正確是應該幫BB勤剪指甲，但吾好剪到太貼肉呀😂  6) #安撫奶咀 如果嬰兒依賴了安撫奶咀，日後要介時就非常麻煩了！長期使用會對嬰兒的口腔發展有負面的影響！ 主張埋身餵的媽媽，通常不太願意俾奶咀俾BB，一嚟怕BB吾喜歡埋身，二嚟怕日後難介而影響牙齒! 是的，但完全吾俾BB用奶咀的話，到生牙仔時，媽媽就好痛苦了(可參閱下前篇 #安撫奶咀)

 # HApi : 入面有好多有用嘅資訊， 例如產前檢查- 照超聲波、胎盤低、 唐氏、驗小便...妊娠不適-嘔吐、 流牙血、 便秘、腰痛、尿頻…分娩及產後、護理營養……… 仲有提供相關網頁，例如:醫管局、出生登記處、 母乳、真係天書咁! ⏰ 最需要嘅就係陣痛計時功能 # 280days : 有個可愛嘅小寶，每日對你講密語，好sweet咖! 提供每個週期bb嘅生長進度及媽媽嘅身體情況， 重點係可連接比無記性既老公，提點BB幾時出世 # 寶寶睡覺 : 有好多白噪音主要係哄BB，安撫佢入睡 # 寶寶生活記錄 :  可以記錄低餵奶由左或右開始，食左幾耐，奶粉食左幾多，pp或vv左末，輔食加固食左咩&咩份量、身高體重。番健康院時，姑娘會問BB食野情況及換片次數，個人已忙又冇記性，好彩有呢個app咋 # 家家相簿: 免費使用，更可以家人共用，上載BB既相同影片，一家人可以隨時觀賞，又可以set只係老公睇，app自動跟拍攝日子分類

隨著嬰兒長大，佢哋嘅動作亦都會越嚟越強勁💃💃！ 到咗5個月左右，BB開始坐得直了，更會開始周身旭，練習反身，到咗第6第7個月，就會非常之純熟，技能解鎖🦸‍♀️ 好多時，將BB放係床準備換片片，只係一個轉身，幾秒既時間，往往會發生 ＃跌落sofa,＃跌落床 等事故，媽媽意想唔到，原來佢哋嘅活動可以變到咁驚人，明明自己張床有5尺喎，咁都反到落地既！？ 係呀， 好奇寶寶呢個時候真係好易發生意外，望少一眼都唔得啊！ 所以吾可以貪方便就咁喺床邊或梳化邊就放低嬰兒，更吾可以放低後走開，仲需要添加上 床欄及地上鋪軟墊

BB腳仔肌肉已經發現得好好了，佢地已急不及待想起身窺探一個嶄新 嘅世界，一陣爬去台底，一陣又扶住椅子企起身， 跌跌碰碰的🐧，好可愛咖😍 媽媽可於嬰兒學爬時(約7個月)就買定 #防護圍欄，#軟地墊 及 #保護頭部神器 ps: 如果9個月左右，嬰兒仲末坐得穩陣(好少發生的)，需要預約個時間回母嬰健康院見醫生了

好奇寶寶又再發功啦，佢會想用不同角度去探索呢個世界，因為會周圍爬，爬到椅腳、sofa等，會扶著站立， 繼而行走，幫助自己移動，係咪好聰明呢?!😊 家長可以買入"學行手推車"了，BB會推住嚟行，行下坐下爬下，轉眼就由廳去左廚房了😳 如果BB玩耍時，特別係學企學行時期，要多加注意，小心撞到枱角(最好用防撞角包起)，小心腳仔末穩而跌親頭部 #學行 #防撞角 #護頭

由嬰兒時8，9個月左右，我就與我家小霸皇實行固定時間表，雖然有時難準時進行，但運動左幾個月後，小霸王會大約於11時起身，約4時午睡，晚上約11時睡覺時， 都算有規律！但就少左個早餐🙄 一般嬰幼兒時間表： 0730： 起身 0800： 早餐（6-8個月應飲奶） 0930： 水果/茶點 （8個月內會小休1小時） 1200： 午餐（8-9個月可轉固體） 1400： 水果/茶點 1600：午睡 1800：起身，準備洗白白 1900：晚餐 2100：水果/茶點 2200：準備覺覺豬 ＃從小定立 ＃作息時間表 ＃有規律

有人話2個髮轉會聰明，咁3個咪更聰明🤣 https://mamibuy.com.tw/talk/article/106891?utm_source=FB-maminews&utm_campaign=regular&utm_medium=post

 一般奶咀3個月左右就需更換 今次要提起的是在什麼時候換不同的奶咀 0～5 個月 : 一般奶咀/仿乳頭奶咀 嬰兒開始可以進食 固體 (約4～6個月可以開始)，可以轉用鴨嘴形奶嘴， 當純熟後更可配上吸管 大約 10個月左右 大嬰兒，可以嘗試轉用吸管嘴的吸管了 之後可轉用 直確杯 ， 訓練bb銜接正常水杯 不可不提的是，嬰兒最遲需於歲半即 18個月 就要介掉奶咀啦